Rebuldaina é o grupo de Cantos de Taberna do Centro Galego. Este grupo naceu no ano 2018 da mao de M Carmen Prado. O xermen deste grupo comezou cos aprendices de pandeireta aos que ensinaba José Sanchez Regueiro, que comezaron a ensair cancions tradicionais e chegaron a participar na XII edición da Foliada de Melide no ano 2016. Tempo despois M Carmen xuntou a parte dos primeiros compoñentes dos Cantos de Taberna con novas voces e comezaron a ensaiar os venres pola tarde no salón de actos da sociedade.
A primeira actuación oficial do grupo baixo o nombre «Rebuldaina» foi o 16 de novembro do 2019 no Magosto que celebrou a sociedade ese ano. Dende esa data participan nas distintas actividades que se organizan no Centro coma Letras Galegas e Festas de Santiago, nas Festas do Carme do Concello de Barakaldo e nos programas festivos dos distintos barrios de Barakaldo. Cabe destacar a súa participación no Concurso de Cantos de Taberna na XVI edición da Foliada de Melide en abril de 2023.