O Noso Lar é o coro do Centro Galego, a súa presentación oficial foi nos locaís da sociedade o 25 de Xullo de 1991. Este grupo xurdió da xuntanza de dous matrimonios ferroláns Lola Losada e Valentin Serrano e Fina Caneda e Juan Muruaga. Que seguindo a tradición vasca xuntábanse as fins de semana e ían de txikiteo polos bares entoando os “Cantos de Taberna” tan típicos de Galicia. Pouco a pouco foron sumándose mais persoas e decidiron formar un grupo coral polo que falaron coa directiva do Centro Galego para poder usar as instalacións do mesmo como local de ensaio. Bautizaron o coro como “O Noso Lar” e baixo a dirección Lola Losada e a axuda de Fina Caneda xunto cuns vinte socios comezaron a dar os primeiros pasos coma coral.
No ano 1992 iniciaron as saídas fora do centro, a distintos centros rexionais de Barakaldo e demais concellos da marxe esquerda. Tempo despois, un dos coralistas, José Sánchez Reguerio, comezou a dirixir o coro. Nesta etapa introducironse os instrumentos tradicionais galegos, coma a gaita e o tambor. E pasaron a ensaiar cancións mais complexas, de dúas a tres voces. Posteriormente o coro pasou a estar dirixido por directois profesionais.
O 18 de novembro de 2017, O Noso Lar, celebrou o 25 aniversario na Casa de Cultura de Cruces, no que participaron a “Asociación Coral Juan de Lanuza” de Zaragoza e a “Coral Maitia” de Santurtzi.
Actualmente o coro esta composto por 23 compoñentes e a sua directora, Miren de Diego Cortazar. Dende os seus comezos, o coro participou en numerosas actuacións, na sociedade actua nas Letras Galegas, Festas de Santiago, Dia dos Maiores, entre outras. Tamen celebra dende o ano 2019 durante o mes de Novembro o Recital Coral de Outono co motivo do dia de Santa Cecilia. No Recital Coral que actualmente vai pola III edición, participan un coro galego, un de Barakaldo e outro representativo dun folclore distinto do vasco e o galego. Fora do centro participa nas semanas culturais da Federación asi coma nas de distintos centros rexionais e outras asociacións. Entre as actuacións realizadas cabe destacar a participación no programa Luar da Televisión Galega, Radio Bilbao e Radio Nervión, a actuación no Circulo de Bellas Artes de Lugo e no Mosteiro de Sobrado Dos Monxes. Tamén colaborou no ano 2013 na grabación do disco “Galiza” de Kepa Junkera na canción “o Galo”.